सुब्रतको ‘केही मिठो बात गरौँ’ प्रशारण हुँदै

काठमाडौँ।
बरिष्ठ पत्रकार एवम् ठुलोपर्दा डटकमका सम्पादक सुब्रतराज आचार्यको प्रिमियम टल्कशो ‘केही मिठो बात गरौँ’को पहिलो सिजन प्रशारण हुने भएको छ । ओएसआर डिजिटलको यूट्युब प्लाटफर्म ओएसआर रियालिटीमार्फत भदौ महिनादेखि हरेक हप्ता प्रशारण हुनेछ ।

२६ श्रृङ्खला प्रशारण हुने पहिलो सिजनमा अभिनेता सरोज खनाल, गायक रामकृष्ण ढकाल, गायिका देविका वन्दना, गायक आनन्द कार्की, साहित्यकार नयनराज पाण्डे, चिकित्सक डा. दिलजान मंसूर, अभिनेत्री रीमा विश्वकर्मा, अभिनेता आकाश श्रेष्ठ, मोडल गरिमा शर्मा लगायतसँग सुब्रतले गरेको कुराकानी रहेको छ ।