शनिवार गर्ने भनिएको ‘वक्स अफिस फिल्मस् अवार्ड’ को मिती सरेको छ । विविध प्राविधिक कारण देखाउँदै अवार्ड वितरण कार्यक्रम सरेको हो । अब यो अवार्डको लागी नोमिनेशनमा परेका प्रतिस्पर्धीहरु मध्ये उत्कृष्टमा परेकाहरुले बैशाख १३ गते मात्रै अवार्ड प्रात गर्नेछन् ।
पाँच तारे होटल हायातमा हुने भनिएको उक्त फिल्म अवार्डको मिती सारिनुको पछाडी प्राविधिक कारण भनिए पनि खासमा होटल सञ्चालकको पारिवारीक समस्याले गर्दा सारिएको बताईएको छ । अवार्डको मिती सरेको भए पनि सबै पाहुनाहरुलाई शुक्रवार नै यो बारेमा जानकारी गराई सकेकोले आफुहरुलाई केहि फरक नपर्ने आयोजक बक्स अफिस फिल्म क्लवका अध्यक्ष तथा सञ्चारकर्मी आर.के. सुवेदीले बताए ।
कुल चालिस विधामा वितरण गर्न लागिएको यो फिल्म अवार्ड वितरण समारोहको लागी देशको विशिष्ट पद प्रधानमन्त्री देखी नेपालमा रहेका विदेशी दातृ निकायका प्रमुखहरुलाई समेत बोलाईएको आयोजकले जानकारी दिएको छ । पछिल्ला दुई बर्षमा रिलिज भएका १२१ वटा चलचित्र वक्स अफिस फिल्म अवार्डमा प्रतिस्पर्धामा छन् । यो अवार्डको अघिल्लो संस्करण दुबईमा गरिएको थियो ।