देविकाको गीत ‘बुद्ध सादर वन्दना’ सार्वजनिक

काठमाडौँ।
गायिका देविका बन्दनाको स्वरमा रहेको नयाँ गीत ‘बुद्ध सादर वन्दना’ सार्वजनिक गरिएको छ । शनिवार काठमाडौँमा एक कार्यक्रमको आयोजना गर्दै यस गीतको अडियो र भिडियो सार्वजनिक गरिएको हो । यसमा शब्द रचना डा. दिनबन्धु शर्मा र बन्दनाको रहेको छ भने सङ्गीत बन्दना बिजेश र मनिसको रहेको छ ।

यस गीतकी निर्देशक गायिका बन्दना नै हुन् । लुम्बिनी क्षेत्रको परिचय खुल्ने गरी भिडियोको छायाङ्कन गरिएको छ । यसका छायाँकार रामकुमार केसी हुन् भने प्रबिण भट्टले सम्पादन तथा कलर ग्रेडिङ गरेका छन् । कोरियोग्राफर सन्तोष राजबाहक हुन् ।

बुद्ध र बुद्धभूमि नेपालको चिनारी संसारभर पुर्‍याउन सक्ने यो म्यूजिक भिडियो सार्वजनिक कार्यक्रममा उल्लेख्य वौद्ध भिक्षुहरूको उपस्थिती रहेको थियो । सो कार्यक्रममा नेपाली समाजमा विभिन्न तवरबाट योगदान गर्ने आठ जना महिलाहरूलाई सम्मान समेत गरिएको थियो । सम्मान प्राप्त गर्नेहरू सिएनएन हिरो अनुराधा कोईराला, बरिष्ठ अभिनेत्री बशुन्धरा भुषाल, बरिष्ठ साहित्यकार उषा शेरचन, बरिष्ठ गायिका कुन्ती मोक्तान, बरिष्ठ अभिनेत्री करिश्मा मानन्धर, चलचित्र निर्देशक दीपा श्री निरौला, चलचित्र निर्माता रोशनी केसी र गायिका सुनिता दुलाल रहेका छन् ।

भिडियोः