[dropcap]फ्रा[/dropcap]ईडे रिलिज अन्तर्गत यो हप्ताको लागी बहु-चर्चित चलचित्र ‘नाई नभन्नु ल-२’ र ‘मनले मनलाई छुन्छ’ प्रदर्शनमा आएका छन् । विकास आचार्य निर्देशित चलचित्र ‘नाई नभन्नु ल-२’ले बालप्रेमको कुरा उठाएको छ । यो चलचित्रमा बाल कलाकार अनुभव रेग्मी, सुज्ञानी भट्टराई, प्रियंका कार्की, सुरजसिंह ठकुरी, बर्षा शिवाकोटी, जीवन लुईटेँल लगायतका कलाकार प्रमुख भुमिकामा छन् । बिहिवार राजधानीमा गरिएको प्रिमियरबाट राम्रो प्रशंसा बटुलेको यो चलचित्रलाई दर्शकले पनि मन पराउने आशा गरिएको छ ।
त्यस्तै, निर्देशक स्व. शिव रेग्मी निर्देशित चलचित्र ‘मनले मनलाई छुन्छ’लाई बिशुद्ध पारिवारिक चलचित्र भनिएको छ । चलचित्रमा गरिमा पन्त र बिरेन श्रेष्ठको मुख्य अभिनय रहेको छ । यो चलचित्र नै निर्देशक रेग्मीको अन्तिम चलचित्र हो ।