काठमाडौँ।
चलचित्र विकास बोर्डका पूर्वसदस्य तथा अभिनेता राज कटुवाल पछिल्लो समय चर्चित नाम हो । यो समाचार तयार पार्दासम्म करिब एक करोड पटक हेरिएको अर्जुन पोखरेलको गीत ‘मेसो मिलाएर’मा अभिनय गरेका उनि बहुचर्चित बने । हालै उनले अभिनय गरेको अर्को गीत ‘शिकारी नारी’ चर्चामा रहेको छ ।
स्वर, शब्द र संगीत श्रृजना खत्रीको रहेको यो गीत अहिले युट्युबको ट्रेन्डिङमा छ । गीतमा गायक प्रताप दासले पनि स्वर दिएका छन् । यस गीतमा कटुवालले गायिका खत्रीसँगै अभिनय गरेका छन् । गीतमा उमेर पुगेकी युवतीले आकर्षक पुरुषलाई मन पराएको प्रसंग उल्लेख गरिएको छ । यसमा गायिका खत्री आफैँ शिकारी नारीको रुपमा प्रस्तुत छिन् ।
गीतमा राजलाई सेलिब्रेटी देखि सबैले चिन्ने तर कसैलाई मतलब नगरी हिड्ने युवकको रुपमा चित्रण गरिएको छ । गीतको भिडियोका निर्देशक नरेश नाथ योगी हुन् ।
भिडियोः