काठमाडौँ ।
पोखरामा भएको यती एयरलाइन्सको विमान दुर्घटनामा चर्चित गिटारिस्ट निशान्त आचार्य र लोकगायिका नीरा छन्त्यालको निधन भएको छ ।
पोखरा घर भएका आचार्यको आफ्नै ‘केसिक्स बिफोर’ नामक ब्याण्ड थियो । उनि सामाजिक सन्जालमार्फत गिटारसम्बन्धी ट्युटोरियल भिडियो सार्वजनिक गर्दै आएका थिए ।
प्रत्यक्ष लोकदोहोरीमा ख्याती कमाएकी नीरा पोखरामा आयोजना हुने माघे संक्रान्तिको कार्यक्रमको लागि त्यसतर्फ उडेकी थिइन् ।
त्यस्तै नेपाल पत्रकार महासंघका केन्द्रीय सदस्य त्रिभुवन पौडेलको पनि सोहि दुर्घटनामा निधन भएको छ । पौडेल पोखरामा नै सक्रिय पत्रकार थिए । उनि पोखरा हटलाइन दैनिकका सम्पादक पौडेल नेपाल प्रेस सेन्टरको केन्द्रीय उपाध्यक्षसमेत हुन् ।
आइतबार बिहान १०.५० बजे दुर्घटना भएको जहाजमा सवार ७२ जनामध्ये ६९ जनाको मृत्यु भएको पुष्टि भएको छ ।