सकियो शुसिलको कमेडी सेन्टिमेन्टल ‘लव-सब’

[dropcap]च[/dropcap]लचित्र ‘वडिगार्ड’ बनाएर एक्शन चलचित्रको निर्मातामा आफुलाई चिनाएका शुसिल पोखरेलले नयाँ चलचित्र ‘लव-सब’को छायांकन सकेका छन्। आइतवार करिव एक महिना लामो छायांकन सकिएको हो। काठमाण्डौ, ललितपुरको पाटन, चरिकोट, मुडे लगाएतका स्थानका दृश्य यो चलचित्रमा देख्न पाईनेछ।

करिव साठी लाखको बजेट अनुमान गरिएको यो चलचित्रमा वितरक नरेन्द्र महर्जनको पनि लगानी रहेको छ। निर्माता पोखरेलका अनुसार अन्तराष्ट्रिय बजारसम्म पुर्‍याउने लक्ष्य राखिएको यो चलचित्रलाई देव कुमार श्रेष्ठले निर्देशन गरेका छन्।  ‘कमेडी सेन्टिमेन्टल’ कथामा ‘लव-सब’ बनेको छ।

‘लव सब’ मा संयम पुरी, सलोन बस्नेत, शिशिर भण्डारी, करिश्मा श्रेष्ठ, के.के. अधिकारी, अर्चन राई लगाएतका कलाकारहरुको प्रमुख भूमिका रहनेछ। कृष्ण श्रेष्ठको छायाँकन रहेको सो चलचित्रमा सुजिल कर्माचार्यको संगीत, साम्तेन भुटियाको कथा रहेको छ। बिपिन मल्लले सम्पादन गर्नेछन्।
(फोटोः ‘लव-सब’मा अभिनय गर्दै कलाकार शिशिर भण्डारी)