‘कमेडी च्याम्पियन’ पहिलो सिजनका विजेता तथा कमेडियन हिमेश पन्तले प्रतिनिधिसभाको चुनाव लड्ने भएका छन् । उनले रवि लामिछाने नेतृत्वको राष्ट्रिय स्वतन्त्र पार्टीबाट चुनाव लड्न लागेका हुन् ।
धादिङ क्षेत्र नम्बर १ बाट पार्टीले उनको नाम प्रत्यक्षतर्फको उम्मेदवारको रुपमा सिफारिस गरेको हो । उनको घर पनि सोही निर्वाचन क्षेत्रमा पर्छ ।
पार्टीको धादिङ जिल्ला समितिले केन्द्रमा सिफारिस गरेपछि पन्त उम्मेदवार बनेका हुन् । मंसिर ४ गते संसदीय निर्वाचन हुँदैछ । पन्तले पहिलो पटक अभिनय गरेको चलचित्र ‘वर एण्ड वधु’ आगामी फागुन १९ गतेबाट प्रदर्शनमा आउँदैछ ।