चलचित्र पत्रकार संघको नयाँ नेतृत्वमा शान्तिप्रिय विजयी

नेपाल चलचित्र पत्रकर संघको नयाँ नेतृत्वको लागी विहिवार सम्पन्न निर्वाचनबाट शान्तिप्रियको अध्यक्षतामा नयाँ कार्यसमिती निर्वाचित भएको छ । संघमा आवद्ध जम्मा ६३ जना सदस्यहरुले निर्वाचनमा भाग लिएका थिए ।

शान्तिप्रियले ४० मत ल्याए भने प्रत्यासी डब्बु क्षेत्रीले ३० मत ल्याए । नव निर्वाचित कार्यसमितीको उपाध्यक्षमा लक्ष्मण सुवेदी निर्विरोध निर्वाचित भएका छन भने संगठन उपाध्यक्षमा बिट्णु सुबेदी बिजयी भएका छन् । उनले अशोक प्यासी राई लाई पछी पारे । त्यस्तै महासचिवमा सन्दिप सापकोटा ३३ मतका साथ निर्वाचित भएका छन् । उनका प्रत्यासी राजन घिमिरेले २८ मत ल्याए ।

त्यस्तै, संघको सचिव पदमा दिनेश सिटौला निर्वाचित भएका छन् । उनको पक्षमा ३९ मत पर्यो भने उनको प्रत्यासी डिबी खड्का ले ८ र कुबेर गिरीले १३ मत ल्याए ।
त्यस्तै कोषाध्यक्षमा कुबेर डंगोल निर्वाचित भएका छन् । उनले ४० मतका साथ २१ मत ल्याएकी शारदा थापालाई उछिने ।

सदस्यहरुमा विजय आवाज, किरण खनाल, सुमन गैरे, गिता अधिकारी र नेमिष गौतमले विजयी हासिल गरेका छन्। नयाँ कार्यसमितीले अन्य दुई सदस्यलाई मनोनित गर्ने प्रावधान छ। पाँच सदस्यको लागि एघार जनाको उम्मेदवारी परेको थियो।