काठमाडौं। सिनेमाटोग्राफर विदुर पाण्डेको निधन भएको छ । पारिवारिक श्रोतका अनुसार बुधवार बिहान हृदयघातको कारण ५५ बर्षिय पाण्डेको निधन भएको हो । बताईए अनुसार काठमाडौंको गंगालाल हृदयरोग अस्पातल लैजाँदै गर्दा उनको निधन भएको हो ।
टेलिभिजन तथा म्युजिक भिडियोमा लामो समय काम गरेका पाण्डे पछिल्लो समय चलचित्र छायांकनमा व्यस्त थिए नेपालको पहिलो डिजिटल प्रविधिमा छायांकन गरिएको चलचित्र ‘कागबेनी’का छायाँकार समेत उनै हुन् । उनले पन्ध्र सय भन्दा बढि म्युजिक भिडियोको छायांकन गरेका छन् भने दर्जनौंको संख्यामा टिभि कमर्शियल, वृत्तचित्र र चलचित्रहरु छायांकन गरेका छन् ।
उनले कागबेनी सहित, पण्डीत बाजेको लौरी, भुईमान्छे, जंग बहादुरको कोट, मेरो बेस्ट फ्रेण्ड, स्वर लगायतका चलचित्रहरु छायांकन गरेका छन् ।