[dropcap]स[/dropcap]ञ्चार संस्था सञ्चालक, हल सञ्चालक तथा वितरक प्रदिप उदयले बनाउँदै गरेको चलचित्र ‘अधकट्टी’ सोमवारबाट छायांकनमा निस्किएको छ। सोमवार अशिष्मा नकर्मी र विल्सन बिक्रम राईले पहिलो शट दिएका हुन्। हाँस्यपरक हुने बताईएको सो चलचित्रलाई सञ्चारकर्मी सुव्रत आचार्यले ‘अधकट्टी’ निर्देशन गर्दैछन्।
‘अधकट्टी’मा बेरोजगार युवाको कथा समेटिने बताईएको छ। दैनिक देखिने, पढिने र सुनिने घटना काँचको पर्दामा कथाको स्वरुपमा चलचित्रमा उतारिने निर्देशक आचार्यले बताए। काठमाण्डौ र चितवनको सौराहमा ‘अधकट्टी’ छायांकन हुनेछ।
सञ्चारकर्मी सुवास ढकालको कथा, निर्देशक आचार्य र सञ्चारकर्मी विजय अधिकारी र जया शर्माको पटकथा तथा संवाद रहेको छ। विल्सन विक्रम राई, गौरव पहारी, अशिष्मा नकर्मी, रिस्ता बस्नेत, गम्भिर बिष्ट र नव प्रस्तुतीको रुपमा प्रदीप बाँस्तोलाको मुख्य भूमिका रहने बताईएको छ। नायिका नम्रता श्रेष्ठ र नायक गजित बिष्टको पनि ‘केमियो रोल’ रहनेछ।
रोशन श्रेष्ठको द्वन्द्व, राजन इशान र बसन्त सापकोटाको संगीत, कविराज गहतराज र गम्भिर बिष्टको नृत्य निर्देशन रहने छ ।