धेरै नेपालीको मन मुटुमा धुर्मुस नामबाट परिचित चर्चित हाँस्य कलाकार सिताराम कट्टेल र कुञ्जना घिमिरे (सुन्तली) आजबाट आफ्नै सन्तानको अभिभावक बनेका छन । पर्दामा धेरै बालबच्चाको वुवा, आमा बनेका तथा टेलिसिरियल मार्फत चर्चामा आएको यो जोडीलाई शुक्रवार बिहान पुत्रीलाभ भएको हो ।
शुक्रवार बिहान सवा सात बजे नर्भिक अस्पतालमा (सुन्तली) कुञ्जनाले आफुहरुको पहिलो सन्तानको रुपमा छोरीलाई जन्म दिएकी हुन्। अहिले आमा छोरी दुबैको स्वास्थ्य अवस्था सामान्य रहेको बाबु बनेपछी प्रफुल्लित मुद्रामा देखिएका (धुर्मुस) सिताराम ले जानकारी दिएका छन् ।
सुगर रोगको शंका देखिएपछी करिब १५ दिन पहिले नै अस्पताल भर्ना भएकी सुन्तलीको कोखबाट सर्जरी गरेर बच्चालाई निकालिएको हो । वि.सं. २०६५ सालमा आप्नो प्रेमलाई बैवाहिक रुप दिएका यी जोडी सानोपर्दामा अत्याधिक रुचाईएका जोडीमा पर्छन । धुर्मुसले यसअघी ठुलोपर्दाका बिभिन्न चलचित्रमा अभिनय पनि गरिसकेका छन । धुर्मुस अभिनित पछिल्लो चलचित्र आउँदो चैत्र २८ बाट रिलिज हुँदैछ ।
आजको मीतीबाट आफ्नो सन्तानको अभिभावक बनेका धुर्मुस र सुन्तलीलाई ‘ठुलोपर्दा डटकम’ को तर्फबाट पनि धेरै धेरै बधाई !!