प्रकाशको जिन्दगी आँचललाई बन्धकी (भिडियो)

देब गहतराजको प्रस्तुतीमा ‘सानी र्‍याइँ र्‍याइँ र्‍याइँ’ बोलको गीत सार्वजनिक भएको छ । उनैको लेखन र संगीत रहेको गीतमा गायक सत्यराज आचार्य र गायिका मिलन नेवारले आवाज भरेका छन् । गीतलाई गोपाल रसाईलीले संगीत संयोजन गरेका हुन् ।

लोक शैलीमा आधारित डान्सिङ प्याटर्नको गीतको भिडियोमा चर्चित गायक तथा अभिनेता प्रकाश सपूत र चर्चित नायिका आँचल शर्माले अभिनय गरेका छन् । कोरियोग्राफर कविराज गहतराजले भिडियोको निर्देशन गरेका हुन् ।

सौरभ लामाको छायाङ्कन र अर्जुन जिसीको सम्पादन रहेको भिडियोको रङ्ग संयोजन रेनिश फागोले गरेका छन् । भिडियोलाई सत्य-स्वरूप युट्युब च्यानलबाट सार्वजनिक गरिएको हो ।