निर्देशक शोभित बस्नेतको निर्देशनमा नयाँ चलचित्र ‘हाम्रो स्वर्ग’ निर्माण हुने भएको छ । चलचित्रको छायांकन चैत्र अन्तिम साताबाट सुरु हुनेछ । दुई अभिनेता र दुई अभिनेत्रीको मुख्य भुमिका रहने चलचित्रका लागि अन्य कलाकारको खोजी भइहेको छ ।
![](https://i0.wp.com/www.thuloparda.com/wp-content/uploads/2022/03/shovit-basnet.jpg?resize=720%2C540&ssl=1)
निर्देशक बस्नेतका अनुसार, चलचित्रमा यार्सागुम्बा टिप्ने मान्छेहरुको कथालाई चित्रण गरिनेछ । कर्णालीको भाषा भेषभुषा र रहनसहनलाई प्रस्तुत गरिने चलचित्रले एउटा पृथक र वास्तविक कथा भन्ने निर्माण पक्षले जनाएको छ । चलचित्र कर्णाली प्रदेशका १० वटै जिल्लामा छायांकन गरिनेछ ।
एनएसके मिडिया नेपालको व्यानरमा निर्माण हुने चलचित्रमा शान्ता शर्माको लगानी रहनेछ । चलचित्रमा नवदत्त न्यौपानको संगीत र रामकृष्ण बुड्थापाको कथा रहनेछ । निर्देशक बस्नेतले ‘हाम्रो स्वर्ग’ भने आफूले यसअघि निर्देशन गरेको चलचित्रभन्दा पृथक हुने दाबी गरेका छन् ।