सुगम र मिलनको स्वरमा ‘ह्याप्पी एनिभर्सरी

काठमाडौं। हरि लम्सालको संगीत तथा गायक सुगम पोखरेल र गायिका मिलन नेवारको स्वरमा रहेको गीत ‘ह्याप्पी एनिभर्सरी’को भिडियो सार्वजनिक भएको छ ।

गीतमा अमेरिका रहँदै आएका गीतकार तथा गायक कृष्ण केसीले शब्द लेखेका छन् । यस गीतमा एक जोडीको प्रेम, विवाह उत्सवको रमाइलो पललाई उल्लेख गरेका छन् । भिडियोको निर्देशन रियल लाइफ जोडी लक्ष्मी बर्देवा र जीवन भट्टराइले गरेका हुन् ।

भिडियोमा यही जोडीको अभिनय हेर्न सकिन्छ । वुद्ध थापाको छायांकन रहेको भिडियोलाई बिष्णु खड्काले सम्पादन गरेका हुन् । भिडियोमा अश्विनी बर्देवा, सागर दाहाल, गोपिकृष्ण ढुंगेल र सुष्मा बर्देवाको पनि अभिनय हेर्न सकिन्छ ।

भिडियोः