काठमाडौं। अभिनेता तथा गायक आमेश भण्डारीले आफ्नो नयाँ गीत ‘बर्बाद’को लिरिकल सार्वजनिक गरेका छन् । इन्टरनेटमा सार्वजनिक उक्त गीतमा दुई जनाको सामुहिक गल्तीका कारण बर्बाद बनेको भाव व्यक्त गरिएको छ ।
यो गीतले धेरै युवाहरुको जीवनमा बेलाबखत आईलाग्ने घटनाहरुलाई चित्रण गर्न खोजिएको गायक भण्डारीले बताए । ‘म कुनै एक घटनाबाट प्रेरित नभई समाजमा बेला बेला घटिरहने घटनाहरुलाई चित्रण गर्न खोजेको हुँ । यो गीत लेख्दै गर्दा मैले अन्जानमा हुने गल्तीलाई लिएर कसैले स्वार्थ उठाउँदा हुने दुर्घटनालाई महशुस गरेको थिएँ’, भण्डारीले बताए ।
यो गीतलाई आमेशले नै रचना तथा संगीत दिएका छन् । गीतको एरेन्ज रोमन बज्राचार्यले गरेका हुन् भने लिरिकल दिन्सन शाहले तयार पारेका छन् ।
हेर्नुहोस् लिरिकल: