‘म त परे पूर्वको’ गीत सार्वजनिक

काठमाडौं । गायकद्वय प्रवीण भेडवाल, वसन्त थापामगर र गायिकाद्वय रचना रिमाल तथा सुशीला पाठकको स्वरमा रहेको ‘म त परे पूर्वको’ बोलको गीतको भिडियो सार्वजनिक भएको छ । गीतमा वसन्त थापामगरको शब्द तथा संगीत छ र दिनेश श्रेष्ठको एरेञ्ज छ । वसन्त लामो समयदेखि अमेरिकामा बस्दै आएका छन् ।

समन अधिकारी निर्देशित भिडियोमा स्मारिका र समारिका ढकाल, संयक जुनियर अधिकारी र निर्जन न्यौपाने फिचर्ड छन् ।

भिडियोमा नरेशवीर सिंहको कोरियोग्राफी, नवराज पौडेलको प्रोडक्सन, अनिल कटवालको ड्रोन, नवराज उप्रेतीको छायांकन र सुप्रिम पराजुलीको सम्पादन छ ।

वसन्त थापामगर प्रस्तुतकर्ता रहेको भिडियो रेस्क्यू क्रिएसनले निर्माण गरेको हो । भिडियोमा टेक्सास इन्टरनेसनल कलेज, मित्रपार्क भेषराज पोखरेल र श्यामसुन्दर श्रेष्ठको विशेष सहयोग छ । भिडियो माउण्ट एभरेष्ट डिजिटल नामक युट्युब च्यानलबाट सार्वजनिक गरिएको हो ।