प्रियना र पूनमको मायामा डुबे राज र डेलविस (भिडियो)

‘भ्यालेन्टाइन्स डे’ को अवसर पारेर नयाँ प्रेमिल गीत सार्वजनिक भएको छ । ‘माया तिमी बिना’ बोलको गीतमा प्रिज्वल नेपाली र अस्मिता नेपालीको स्वर रहेको छ । दीपक नेपालीको शब्द रचना रहेको गीतमा गायक प्रिज्वल नेपाली स्वयंले संगीत भरेका छन् ।

चलचित्र ‘बागमती र एउटा यस्तो प्रेम कहानी’ का निर्माता द्वय दिनेश दर्शनधारी र यशोधा राईले निर्माण गरेको भिडियोलाई माइकल चन्दले निर्देशन गरेका हुन् । भिडियोमा राज, डेलविस, प्रियना आचार्य र पूनम गौतम फिचर छन् । ट्री इन्टरटेन्मेन्टले निर्माण गरेको गीतले प्रेमभाव बोल्छ ।

उत्सव दाहालको छायांकन र सिलन लम्सालको सम्पादन रहेको गीतको भिडियो आकर्षक बनेको छ । भिडियोमा राजसँग प्रियना र डेलविससँग पूनमको बाँधिएको छ । उनीहरुको एकअर्कासँग केमेस्ट्री सुहाएको देखिन्छ । राज र डेलविस निर्माता द्वय दिनेश दर्शनधारी र यशोधा राईका छोराहरु हुन् । चाँडै उनीहरुलाई चलचित्रमा डेब्यू गराउने तयारी पनि गरिएको छ ।