‘मनैमा शितलो’ मा हरिसको फरक भूमिका

हरिस निरौला ‘कक्रोज’ र पेरिसा कडेँल अभिनित ‘मनैमा शितलो’ गीतको भिडियो सार्वजनिक भएको छ । ‘भिडियो भकारी’ को प्रस्तुती रहेको गीतमा प्रशान्त पौडेलको शब्द संगीत रहेको छ भने प्रविन भट्ट र पूजा देवकोटाको स्वर छ ।

प्रायः जसो लामो लट्टा परेको कपालमा देखा पर्ने ‘कक्रोज’ यस गीतमा भने फरक भूमिकामा प्रस्तुत भएका छन् । गाउँले परिवेशलाई चित्रण गरिएको भिडियोमा घाँस दाउरा गर्ने साधारण युवाको भूमिकामा ‘कक्रोज’लाई देख्न सकिन्छ । उनको फरक रुपलाई दर्शकहरुले तारिफ गरेका छन् ।

प्रत्यक्ष दोहोरीमा निकै चर्चित गायिका पूजा देवकोटा र प्रविन भट्टको स्वरमा रहेको गीत लोक आधुनिकको फ्युजनमा बनेको छ । सागरबाबु भट्टको कथा तथा निर्देशनमा बनेको भिडियोलाई प्रविन भट्टले सम्पादन गरेका छन् । दिनसन शाहको रंग संयोजन रहेको भिडियोलाई अजय रेग्मीले खिचेका हुन् ।