‘यसरी घुरेर’ गीतमा बुद्धि तामाङको अभिनय

पूर्व काउन्सिलर धन किरण गुरुङको स्वर, शब्द र सगीत रहेको ‘यसरी घुरेर’ बोलको गीतको म्यूजिक भिडियो सार्वजनिक भएको छ । डिजी प्रोडक्सन युकेको ब्यानरमा निर्माण भएको गीतको म्युजिक भिडियोको काठमाडौंमा आयोजित कार्यक्रमकाबीच विमोचन गरिएको हो ।

म्यूजिक भिडियोमा चर्चित कलाकारहरु बुद्धि तामाङ, रिया श्रेष्ठ, काशी घले र कुसुम घताने लगायतको अभिनय रहेको छ । धन किरण गुरुङ स्वयंको निर्देशन रहेको गीतको भिडियोमा दिनेश पराजुलीको छायांकन र अमृत चापागाँईले सम्पादन छ ।

चलचित्र निर्देशक मिलन चाम्सको प्रमुख आतिथ्यतामा भएको म्यूजिक भिडियोको सार्वजनिक कार्यक्रममा हास्य कलाकार मनोज गजुरेल, टेलिभिजन प्रस्तोता नरेश भट्टराई, प्रथम मेचीनगर मिसेस गिता आचार्य, बिएफबिएस रेडियोका प्राविधिक बिनोद धोज खड्का, जिएमएफ नेपालका प्रतिनिधि हरि ढकाल लगायतको उपस्थिति रहेको थियो ।