गायिका रचना रिमाल र गायक सन्तोष रुचालको स्वरमा रहेको ‘निन्द्रै लाग्दैन’ बोलको गीत सार्वजनिक भएको छ । डान्सिङ नम्बरको गीतमा हरी प्रसाद गौतमको शब्द रचना रहेको छ भने गायक सन्तोष रुचाल स्वयंको संगीत छ ।
माइकल चन्दको निर्देशनमा तयार भएको गीतको भिडियोमा उषा उप्रेती र केशव भट्टराईको साथमा केवी डान्स क्रियूको नृत्य छ । भिडियोमा उषाले केशवको साथ विना आफूलाई निन्द्रै नलाग्ने कुरा गरेकी छन् । गीतले उनीहरुको प्रेमभाव बोल्छ ।
सिलन लम्सालको सम्पादन र कलर रहेको गीतको भिडियोलाई सागर पौडेलले खिचेका हुन् । अडियो र भिडियो उत्कृष्ट बनेकाले ‘निन्द्रै लाग्दैन’ ले दर्शकको साथ पाउनेमा गायक तथा संगीतकार रुचाल आशावादी देखिएका छन् ।