सिडीको तिमीसँगमा राजु र निश्मा

रियालिटी शो भ्’वाईस अफ नेपाल’का प्रथम विजेता सिडी विजय अधिकारीको स्वरमा रहेको नयाँ गीत ‘तिमीसँग छुट्टिएर…’को भिडियो रिलिज भएको छ ।

गीतको भिडियोलाई अमेरिकामा छायांकन गरिएको छ । आधा दशकदेखि अमेरिका बस्दै आएका चलचित्र निर्देशक सुमन दाहालले अमेरिकाको लेक्सिन्टन क्षेत्रमा छायांकन गरेर त्यहींबाट यो भिडियो रिलिज गरेका छन् ।

गीतको भिडियोमा राजु भण्डारी र निश्मा चापागाईंको अभिनय रहेको छ । यो गीतलाई कल्पना पाठकले लेखेकी हुन् । गायक सिडी विजयले नै यो गीतमा संगीत गरेका छन् ।

यो गीतको भिडियोलाई छायांकन तथा सम्पादन अक्की शर्माले गरेका हुन्, जसमा भुपेन्द्र अधिकारीको मिक्सिङ, रेनिश फागोको रंग संयोजन रहेको छ ।

भिडियोः