काठमाडौं। अर्जुन पोखरेलको संगीतमा रहेको ‘सलल सलल’ बोलको गीतको भिडियो सार्वजनिक भएको छ । इन्टरनेटमा रिलीज यो गीतमा खडानन्द अधिकारी र समिक्षा अधिकारीले स्वर दिएका छन् । सार्वजनिक भिडियोमा गायक आँफैले नायिका शिल्पा पोखरेलसँग अभिनय गरेका छन् । भिडियोका निर्देशक विधान कार्की हुन् ।
गायक तथा अभिनेता अधिकारीले यो झुमेर नाच्न सकिने लोकपप गीत रहेको बताए । उमेरले पाका अधिकारीले आफ्नो र परिवारको चाहना र विगत देखिको लगावका कारण पहिलोपटक गीत रेकर्ड गरेको बताए । उनले भने, ‘गाउन चाहि सानै उमेरदेखी गाउथेँ, विगतमा लगानी कर्चको अभावले सक्रिय हुन सकेको थिईन् । अहिले आर्थिक सफल भएपछि गीत संगीतमा केहि योगदान रहोस् भनेर गाएको हुँ’ । खडानन्द हाल अमेरिकामा बस्छन् । सन् २०१० मा अमेरिका पुगेका उनले आफ्नो त्यसअघिको जीवनकाल झापामा रहेको भुटानी शरणार्थी क्याम्पमा बिताएका थिए ।
अधिकारीले आफु अब लगातार संगीतमा सक्रिय रहने जिकिर गरे । भने, ‘म अब निरन्तर गीत संगीतमै रहनेछु । अमेरिकामा बसेता पनि त्यहिँबाट काम गर्छु । नेपालको माहोल अलग्गै हुने भएर अहिले नेपाल आएको हुँ’ ।
भिडियोका निर्देशक विधान कार्कीले पहिलो पटक काम गरेको भएता पनि खडानन्दको काम अत्यन्तै राम्रो रहेको बताए । अधिकारीको पाको अनुभवले पहिलो पटक काम गरेको जस्तो नै नलागेको कार्कीले बताए ।
यो गीतका शब्द रचनाकार हरि उप्रेती हुन् ।
गीत हेर्नुहोस्ः