मलिकाको गलबन्दीमा अल्झियो कुन्साङको प्रेम

पछिल्लो समय म्युजिक भिडियोमा रुचाइएको जोडीमा पर्दछ, कुन्साङ बोम्जोन र मालिका महत । सोही जोडी फिचर नयाँ गीतको भिडियो सार्वजनिक भएको छ । राजनराज शिवाकोटीको आवाजमा रहेको ‘तिम्ले देको गल्बन्दी’ बोलको गीतमा यी दुईको जोडी फिचर गरिएको छ ।

बिनोद बन्जरा र राजनराज शिवाकोटीको शब्द रहेको गीतमा राजनराज शिवाकोटी संगीत रहेको छ । राजेश पूमा राईको निर्देशनमा तयार भएको भिडियोमा सन्तोष राजभाकको कोरियोग्राफी रहेको छ । उत्सव दाहालले खिचेको भिडियोलाई विकास दाहालले सम्पादन गरेका छन् ।