केही दिनयता नेपालका सञ्चारमाध्यममा चर्चित नायक पल शाह र गायिका समीक्षा अधिकारीको सम्बन्धलाई लिएर विभिन्न प्रकारका समाचारहरु बनिरहेका छन् । आइतवार समीक्षाले यो विषयमा स्पष्टिकरण दिइसकेकी छन् भने सोमवार पल शाहले पनि समीक्षासँगको मित्रता र सहकार्यलाई तनाथाम शिर्षक दिएर गलत समाचार बनेकोप्रति आपत्ति जनाएका छन् ।
![](https://i0.wp.com/www.thuloparda.com/wp-content/uploads/2020/01/Paul-Shah2020-01-06-at-12.04.07-AM-10.jpg?resize=720%2C480&ssl=1)
समिक्षा अधिकारीसँग सांगीतिक सहकार्य मात्र रहेको उल्लेख गर्दै पलले लेखेका छन्, ‘जुनसुकै क्षेत्रमा काम गर्दा पनि केही व्यक्ति र समूह कहिँ न कहिँ कुनै न कुनै प्रकारले नजिक हुने गर्छ । मेरो पेशा र विधाका कारण म धेरै मान्छेहरुसँग सहकार्य गर्नुपर्ने हुन्छ र मसँग जोडिनु हुने मेरा अग्रज, अनुज र सहकर्मीहरुमाझ मैले सदैव आफूलाई सहज र सहयोगी तवरले प्रस्तुत गरिरहेको हुन्छु ।’
पल शाह अगाडि लेख्छन्, ‘हुँदै नभएका, गर्दै नगरिएका, विना आधारका कुराहरुलाई गसिप बनाएर एउटा कलाकार र उसको व्यक्तिगत जीवनमाथी आँच आउने किसिमले लेखिएका झुटा समाचारहरुले मलाई अत्यन्तै दु:खी बनाएको छ । यसरी कसैको व्यक्तिगत प्रतिष्ठा र चरित्र हत्या हुने गरि बदनाम गर्ने गरि समाचार नबनाउनुहुन मिडियाकर्मी ज्युहरुलाई हार्दिक अनुरोध गर्दछु ।’