शुसिलको ‘लव सब’ मंगलबजारमा

[dropcap]च[/dropcap]लचित्र ‘वडिगार्ड’ बनाएर एक्शन चलचित्रको निर्मातामा आफुलाई चिनाएका शुसिल पोखरेलले सोमवारबाट नयाँ चलचित्रको छायांकन सुरु गरेका छन्। ‘लव सब’ नामक सामाजिक प्रेमकथाको चलचित्र बनाउँदै गरेका पोखरेललेको यो चलचित्रको निर्देशकिय जिम्मेवारी देव कुमार श्रेष्ठलाई सुम्पेका छन्। यो चलचित्रमा नरेन्द्र महर्जनको पनि लगानि रहेको छ।

पाटनको मंगलबजारमा यतिबेला ‘लव सब’ छायांकन भईरहेको छ। सोमवार कलाकारद्वय संयम पुरी र शिशिर भण्डारीको रमाईलो दृश्य कैद गरिएको थियो। चोकमा जुत्ता पालिस गर्ने व्यक्तिका रुपमा शिशिर थिए भने संयम उनका ग्राहक थिए।

‘लव सब’ मा संयम पुरी, सलोन बस्नेत, शिशिर भण्डारी, करिश्मा श्रेष्ठ, के.के. अधिकारी, अर्चन राई लगाएतका कलाकारहरुको प्रमुख भूमिका रहनेछ। कृष्ण श्रेष्ठको छायाँकन रहेको सो चलचित्रमा सुजिल कर्माचार्यको संगीत, साम्तेन भुटियाको कथा रहेको छ। बिपिन मल्लले सम्पादन गर्नेछन्।