कलाकार तथा गायक हरिवंश आचार्यको स्वरमा रहेको नयाँ गीत सार्वजनिक भएको छ । हरिवंशकै शब्द तथा संगीत रहेको ‘ए कालु भेना’ बोलको गीत बिहीवार सार्वजनिक भएको हो । गीतमा उनलाई गायिका मिलन नेवारले गायकिमा साथ दिएकी छिन् ।
गम्भिर बिष्टको कोरियोग्राफी तथा निर्देशनमा तयार भएको यो गीतको भिडियोमा हरिवंश आचार्य, नाजिर हुसेन, आँचल शर्मा, आर्यन खरेलले अभिनय गरेका छन् । गाउँ घरको परिवेश नै रमाइलो हुने भएकाले विदेश नजान यो गीतमार्फत् आग्रह गरिएको छ ।
यो गीतको भिडियोमा नवराज उप्रेतीको छायांकन, भूपेन्द्र अधिकारीको सम्पादन छ । गज्जबको टीभीले यो भिडियोलाई निर्माण गरेको हो । केही समयअघि हरिवंश आचार्यको स्वरमा रहेको ‘माछीलाई खोलीको छेउ’ गीत पनि सार्वजनिक भएको थियो ।
भिडियो :-