दीपिका भट्टको म्यूजिक भिडियो निर्देशनमा कमब्याक

म्यूजिक भिडियोमा मोडलिङ, निर्देशन एवं टेलिचलचित्रकी अभिनेत्री तथा मोडल दीपिका भट्टले म्यूजिक भिडियो निर्देशनमा कमब्याक गरेकी छन् । अभिनय एवं निर्देशन दुवैमा रुचि राख्ने दीपिका यसो त गीतकार समेत हुन् ।

विभिन्न टेलिसिरियलहरु गर्ने गरेकी दीपिका भट्टले आफूले नै लेखेको गीतको भिडियो लिएर आएकी छिन् । ‘म माया गर्छु’ बोलको यो गीतलाई हाइलाइट्समार्फत रिलिज गरिएको हो । गीतलाई उनले निर्देशन गरेकी हुन् । दीपिका भट्टकै शब्द रहेको गीतमा वसन्त सापकोटाको संगीत र इन्दिरा जोशीको स्वर रहेको छ ।

गीतको भिडियोलाई डम्बर राईले छायांकन गरेका हुन् भने् मोडलका रुपमा पवित्रा भट्टराई तथा अर्पण दाहाल रहेका छन् । रोमान्टिक फ्लेवरको यो गीतमा पुजारी र मोडर्न केटीबीचको प्रेमकथा दर्शाइएको छ । अब निरन्तर रुपमा भिडियो निर्देशनमा लाग्ने सोचमा दीपिका छिन् ।

भिडियो :-