गायक सुनिल गिरीको लोकप्रिय गीत ‘को होला त्यो ?’ को फिमेल भर्सन भिडियोसहित सार्वजनिक भएको छ । गीतमा पछिल्लो पुस्ताकी चर्चित गायिका अस्मिता अधिकारीको स्वर रहेको छ । गायक गिरीको शब्द र संगीत रहेको गीतमा एरेन्ज गोपाल रसाइलीको छ ।
निषेधाज्ञाभन्दा अगाडि कालिन्चोक, चरिकोट मुडे लगायतका रमणीय स्थानमा छायांकन गरिएको भिडियोमा नायक तथा मोडल पल शाह र नायिका तथा मोडल प्रकृति श्रेष्ठकै अभिनय देख्न सकिन्छ । उनीहरुले चार वर्षपछि एकसाथ म्यूजिक भिडियोमा काम गरेका हुन् । यसको मेल भर्सनमा पनि उनीहरुको अभिनय थियो ।
अनिल कृष्ण मानन्धरको छायांकन र निर्देशन रहेको भिडियोको सम्पादन र कलरिगं मनोज कार्कीले गरेका हुन् । सार्वजनिक गीतमा उत्कृष्ट टिकटक बनाउनेलाई २५ हजार नगर उपलब्ध गराइने गायक गिरीले जानकारी दिए । टिकटकमा आएको सर्वाधिक भ्यूज, लाइक कमेन्टका आधारमा पुरस्कृत गरिने निर्माण यूनिटले जनाएको छ ।
भिडियो :-