प्रकाश र मेलिनाको ‘प्रार्थना’ (भिडियो)

कोभिड महामारीबाट कसैको निधन नहोस् भन्ने चाहना हुँदा हुँदै पनि त्यो हुन सकेको छैन । मानिसहरु ‘समवेदना’ र ‘श्रद्धाञ्जली’का शब्द नलेख्नुपरोस् भन्ने चाहिरहेका छन् । यही परिप्रेक्ष्यमा गायक प्रकाश सपुत र गायिका मेलिना राईको स्वरमा ‘प्रार्थना’ बोलको गीत सार्वजनिक भएको छ ।

प्रभु बैंकको प्रमुख कार्यकारी अधिकृत (सीइओ) अशोक शेरचनको शब्द तथा गायक प्रकाश सपुतको संगीत रहेको गीतमा योगेश काजीको मिक्सिङ र एचबीएन किस्मतको मिक्सिङ तथा मास्टरिङ छ । भिडियोलाई प्रवेश पौडेलले निर्देशन गरेका हुन् ।

भिडियोमा गायक प्रकाश र गायिका मेलिनासँगै प्रसन्न ढुंगाना, राकेश भडेल, दिपाञ्जली पर्या मगर, सुष्मा चौधरी, स्मन लामा, करण यादव र बाल कलाकार आरिहान पौडेल तथा प्रविष्ट सपुत फिचर्ड छन् । भिडियोमा जीवन थापाको सम्पादन, कलर र जीएफएक्स छ ।

भिडियो :-