लामो समयदेखि अष्ट्रेलियामा बसोबास गर्दै आइरहेका गायक राज के गोस्वामी आफ्नो बिल्कुलै नयाँ शैलीको गीत सार्वजनिक भएका छन् । उनले ‘हिमालै राम्रो हिउँले’ बोलको गीत सार्वजनिक गरेका हुन् ।
‘कोशिश–२’ शीर्षकको एल्बममा समावेश भएको यो गीतलाई विक्रम थापाले संगीतबद्ध गरेका छन् भने सुमन कुँवर यो गीतका रचनाकार हुन् । सन्दिप कार्कीले प्रस्तुत गीतमा संगीत संयोजन गरेका छन् । गीतको भिडियोमा नौलो प्रयोग गरिएको छ । गीतलाई पूर्ण रुपले भिएफएक्स प्रविधिमा तयार पारिएको छ ।
नेपाली गीतका म्युजिक भिडियोमा यस्तो प्रयोग विरलै देख्न पाइन्छ । भिडियोमा बिजेश पौडेल तथा पूजा धामीलाई भिएफएक्समार्फत नै प्रस्तुत गरिएको छ । भिडियोलाई बिजेश पौडेलले नै निर्देशन गरेका छन् भने भिएफएक्स तथा सम्पादन पनि उनैले गरेका हुन् । निशा पौडेल भिडियाका छायाँकार हुन् ।
भिडियो :-