‘नसोध मलाई’ गीतमा चिकित्सकहरुको मनोदशा (भिडियो)

कोभिड–१९ बाट संक्रमित बिरामीहरुको उपचारमा पछिल्लो एक वर्षदेखि सक्रियतापूर्वक खटिँदै आएका वरिष्ठ चिकित्सक डा.रणजीत कुमार झाले कोरोना भाइरसका संक्रमितहरुको उपचारमा खटिएका स्वास्थ्यकर्मीहरुको सम्मानमा ‘नसोध मलाई’ बोलको गीत सार्वजनिक गरेका छन् । गीतमा डा. झाको स्वर सुन्न सकिन्छ भने गिरिराज निरौलाको शब्द रचना छ ।

गीतमार्फत् संक्रमितहरुको उपचारमा खटिएका चिकित्सकहरुको मनोदशासँगै चिकित्सकहरुले आफ्ना सम्पूर्ण पीडाहरु बिर्सिएर पनि बिरामीको उपचारमा खटिएका छन् भन्ने सन्देश दिन खोजिएको छ । गीतमा डा.झा तथा गीतकार निरौलाको संगीत छ ।

गायक डा.झाका अनुसार, विदेशमा बसोबास गर्दै आएका गीतकार गिरिराज निरौलाले अघिल्लो वर्ष कोरोना संक्रमणको जोखिमकै बीच डा. झासहित सम्पूर्ण चिकित्सकहरुको वाध्यतालाई गीतमा उतारेका थिए । गायक झाले करिव एक महिनाअघि मात्र यो गीत रेकर्ड गराएका हुन् ।

भिडियोमा निर्देशक निशान कश्यपको अवधारणा तथा निर्देशन रहेको छ । महेश खड्का तथा सुशिला थापाको अभिनय गरेको भिडियोमा गायक डा.झा पनि प्रस्तुत छन् । मुकेश हुमागाईंद्वारा छायांकन गरिएको उक्त भिडियोमा निर्देशक निशान कश्यपकै रंग संयोजन तथा सम्पादन रहेको छ ।

भिडियो :-