हरि लम्सालको संगीत तथा प्रविन बेडवालको स्वरमा रहेको गीत ‘एउटै तस्विर’ रिलीज भएको छ । यो गीतको अडियो तथा भिडियो मानस राज नामक यूट्युब च्यानलबाट रिलीज भएको हो । यो गीतका शब्दकार दिपेन्द्र के थापा हुन् ।
गीतको भिडियोमा संचारकर्मी, अभिनेता तथा निर्देशक दिनेश डिसी, गायक तथा संगीतकार मानस राज, गायक भिम बिष्ट र मोडल पुनम गौतमको अभिनय रहेको छ । गीतको भिडियोमा युवतीको प्रेमिल कल्पनामा रमाईरहेका तीन उमेर समूहका पुरुषहरुलाई देखाईएको छ ।
संचारकर्मी डिसी हाल कान्तिपुर टेलिभिजन, कान्तिपुर एफएम तथा कान्तिपुर सिनेप्लेक्स टिभिका स्टेशन हेड हुन् । यस भिडियोका अभिनेता मानसको ‘भाईरल भैदियो’ बोलको गीत बहुचर्चित बनेको थियो भने अर्को गीत ‘हिरो- भाईरल भैदियो २’ लाई पनि लाखौंले हेरेका छन् । गायक भिमका गीतहरु ‘मिनरल वाटर’ तथा ‘चम्चा पिलेट’ चर्चित छन् ।
यो गीतको भिडियोको निर्देशन माईकल चन्दले गरेका छन् । भिडियोमा छायांकन उत्सव दाहाल र सम्पादन तथा कलर ग्रेडिंग शिलन लम्सालको रहेको छ ।
भिडियोः