सुवास अब निर्देशक

एक दर्जनभन्दा बढी नेपाली चलचित्रमा अभिनय गरेका नायक सुवास थापा यतिबेला अमेरीकामा छन् । उनी अब निर्देशनमा होमिएका छन् । सुवासको डेब्यू निर्देशन रहेको ‘कुल्ची हिँड्छन् फूललाई’ बोलको म्यूजिक भिडियो सार्वजनिक भएको छ ।

नेपालीसँगै हलिउडका कलाकारहरु र प्राविधिकहरुले भिडियोमा काम गरेका छन् । छवि न्यौपानेको स्वर रहेको गीतमा खेम रिजालको शब्द रचना र कर्मा ग्याल्जेन बमजनको संगीत रहेको छ । अमेरिकामा रहने एक नेपाली जोडीको कथालाई भिडियोमा देखाउन खोजिएको छ ।

धेरैको वास्तविक जीवनसँग यो कथा मेल खाने निर्देशक थापाले बताएका छन् । भिडियोलाइ हलिउडका सिनेमाटोग्राफर तोरी राइसले खिचेका हुन् भने अराज केशवको सम्पादन रहेको छ । भिडियोमा सुवास थापा, बिनिता खड्का थापा, शेली, प्याट्रिक र क्रिष्टिनाको अभिनय रहेको छ ।

भिडियो :-