अभिनेता आकाश श्रेष्ठ र अभिनेत्री वर्षा राउत अभिनीत नयाँ म्यूजिक भिडियो ‘यो जुनीमा तिम्रो’ सार्वजनिक भएको छ । गायक छवि न्यौपाने र मेलिना राईको स्वरमा रहेको गीतमा किशोर शिवाकोटीको शब्द तथा संगीत शृजना रहेको छ ।
आकाश र वर्षाबीचको प्रेम र भावी जीवनको गाथालाई निर्देशक निकेश खड्काले नजिकबाट केलाएका छन् । विवाह गर्ने उमेर पुगेका हरेक प्रेमी प्रेमीकाले भोग्नु पर्ने मिलन र विरहको गाथालाई कलात्मक शैलीमा प्रस्तुत गरिएको भिडियोमा आकाश र वर्षाले मनछुने अभिनय गरेका छन् ।
रुपेश खड्काको सम्पादन रहेको भिडियोको छायांकन बुद्ध थापाले गरेका हुन् । एनपी म्यूजिक हवबाट बजारमा ल्याइएको गीतको भिडियो सार्वजनिक भए लगत्तै दर्शकबाट उत्कृष्ट प्रतिक्रिया मिलिरहेको छ । गीतलाई मिलेको सकारात्मक प्रतिक्रियाले हौसला मिलेको गायक न्यौपानेले बताए ।
भिडियो :-