कलाकार तथा निर्देशक दिपाश्री निरौलाको आवाजमा ‘धनियाँ के होली’ बोलको होली विशेष गीत सार्वजनिक भएको छ । सुमित खड्काको पनि आवाज रहेको गीतमा निरज श्रेष्ठको संगीत र दिपनारायण राजवंशीको शब्द रहेको छ ।
‘छक्का पञ्जा’ समुहले निर्माण गरेको गीतको भिडियोमा जितु नेपालबाहेक ‘छक्का पञ्जा’ का सबै कलाकारहरुको अभिनय रहेको छ । भिडियोमा दिपाश्रीसँगै दिपकराज गिरी, केदार घिमिरे, किरन केसी, शिवहरी पौडेल, जयनन्द लामा, रवि ढंगोल, सुमन गिरी अनुरागमानसिंह कुँवर लगायतको अभिनय छ ।
दीपाश्रीकै निर्देशनमा तयार भएको यो भिडियोमा हरि हुमागाँइको छायांकन, विपिन मल्लको सम्पादन, शिशिर खातीको कोरियोग्राफी छ । छक्का पञ्जा मिडिया यूट्युब च्यानलमा सार्वजनिक भएको गीतको भिडियोलाई दर्शकले निकै रुचाएका छन् ।
भिडियो :-