काठमाडौँ । लोकप्रिय गायक दीपक लिम्बू र मेलिना राईको स्वर रहेको गीत ‘औँठी बैना’को भिडियो हङकङबाट सार्वजनिक गरिएको छ । विष्णु इङ्नामको शब्द शृजना रहेको गीतको भिडियो लोक शैलीमा तयार पारिएको छ । जसमा धिरज लिम्बू र रेश्मा सम्बाहाम्फेको अभिनय देख्न सकिन्छ ।
हङ्गकङ्गमा छायांकन भएको भिडियोमा मौसम इम्बुङ (फुलेन्देको बुबा) , हेमराज अन्छड़बो, विष्णु इङ्नाम, नाम्लिङ ओख्राबोको समेत अभिनय रहेको छ । युगल पोमोको निर्देशन रहेको भिडियोमा मज्जाको राईको छायाँकन र अनिलकुमार महर्जनको सम्पादन रहेको छ । भिडियोले एक जोडी युवायुवतीको प्रेमकथालाई कलात्मक शैलीमा प्रस्तुत गरिएको छ । जसको निर्माण गीतकार विष्णुले गरेका हुन् ।
भिडियोः