गायक प्रताप दास र गायिका कविता श्रेष्ठको स्वरमा नयाँ गीत ‘गोधुली’ सार्वजनिक भएको छ । ज्ञानीमाया तामाङ र हेरुका लामाको अभिनय रहेको गीत शुक्रवार ओएसआर डिजिटलको युट्युब च्यानलबाट सार्वजनिक गरिएको हो । गीतमा ज्ञानीमाया र हेरुकाको रोमान्सलाई प्रस्तुत गरिएको छ ।
प्राकृतिक सौन्दर्यसहितको लोकेशनमा खिचिएको गीतमा ज्ञानीमाया र हेरुकालाई रोमान्टिक मुडमा प्रस्तुत गरिएको छ । राजेश कुमार श्रेष्ठको शब्द संगीतमा तयार भएको भिडियो गीतलाई भुईसल लामाले निर्माण गरेका हुन् । गीतमा दिनेश पाख्रिनको निर्देशन रहेको छ ।
अमूल कार्कीको एरेञ्ज रहेको गीतमा तारा थापाको सम्पादन र रामेश्वर हुमागाईको छायाँकन रहेको छ । गीतमा दिक्षा पाख्रिनको कोरियोग्राफी रहेको छ । दर्जन बढि चलचित्रमा अभिनय गरिसकेकी कलाकार भुईसल लामाले भिडियो निर्माणसँगै विस्तारै चलचित्र निर्माणको तयारी रहेको समेत बताएकी छन् ।
भिडियो :-