काठमाण्डौ। चर्चित संगीतकार अर्जुन पोखरेलको संगीत तथा गायक निशान भट्टराईको आवाजमा रहेको नयाँ गीत रिलीज भएको छ । ‘तिमीलाई देखेपछि माया पलायो’ बोलको गीतको भिडियो डिभाईन म्यूजिकबाट रिलीज भएको हो ।
गीतमा निलकण्ठ सुवेदीको शब्द रचना रहेको छ । गीतमा युवा-युवतीको भेटपछि भएका प्रेमका कुराहरु रहेका छन् । गायक भट्टराईले आफुले गाएका गीतमा मन परेका गीत मध्ये यो गीत पनि एक रहेको बताए । संगीतकार पोखरेलले यो गीतबाट आफुले निकै आशा गरेको बताए ।
शुरेष दर्पण पोखरेलले भिडियोको निर्देशन गरेका छन् । संयुक्त राज्य अमेरिकाका बिभिन्न रमणिय स्थानहरुमा छायांकन गरिएको यस भिडियोमा भरत सुबेदी र शमिन श्रेष्ठले अभिनय गरेका छन् । बिनोद अधिकारीले छायांकन गरेका छन् भने सम्पादन तथा कलर ग्रेडिंग भरत रेग्मीले गरेका छन् ।
भिडियो: