‘तिम्रो माया पाउन, हारे हारे, मलमल साडी’ जस्ता चर्चित गीतका गायक युवराज चौलागाईंको स्वरमा रहेको नयाँ गीत ‘संसार रोएको छ’ सार्वजनिक भएको छ । गायक चौलागाईंकै संगीत रहेको गीतमा कौशिला खनाल कर्मचार्यको शब्द छ ।
कोरोना महामारीको समयमा अगंपक्तिमा रहेर काम गर्नेप्रति समर्पित गरिएको गीतको भिडियोलाई लोकेश बज्रचार्यले निर्देशन र सम्पादन गरेका छन् । भिडियोका छायाँकर एसु बस्नेत हुन् । गीतमा यो समयमा आफ्नोभन्दा कोरोना संक्रमितको उपचारमा खटिएका स्वास्थ्यकर्मीको योगदानको प्रशंसा गरिएको छ ।
गीतको बारेमा जानकारी दिँदै गायक चौलागाईंले भनेका छन्, ‘कोरोना माहामारीको यो संकटको घडीमा आफू र आफ्नो परिवारलाई भुलेर अहोरात्र विरामीहरुको सेवामा खटिरहनु हुने सम्पूर्ण स्वास्थ्यकर्मीहरु र सहयोगी मनहरुप्रति समर्पित यो गीत सुनेर र हेरेर हाम्रो कामलाई प्रतिकिया, सल्लाह सुझाब दिनुहुन्छ भन्ने आशा गरेका छौं ।’
भिडियो :-