काठमाण्डौ। ‘द भ्वाइस अफ नेपाल’को पहिलो सिजनका विजेता गायक सिडी विजय अधिकारीको स्वर रहेको रोमान्टिक गीत ‘पुतली’को भिडियो सार्वजनिक गरिएको छ । अमेरिका निवासी प्रोफेसर डा. कैलाश घिमिरेको रचना रहेको यस गीतमा राजेश थापाको संगीत रहेको छ । जसलाई बिबी अनुरागीले संगीत संयोजन तथा श्यामश्वेत रसाइलीले मिक्सिंग मास्टररिंग गरेका छन् ।
![](https://i0.wp.com/www.thuloparda.com/wp-content/uploads/2020/10/Screen-Shot-2020-10-16-at-5.02.28-PM.png?resize=650%2C379&ssl=1)
गीतमा टिकटक हुँदै म्यूजिक भिडियोमा चर्चित बनेकी गरिमा शर्माका साथ चलचित्र ‘लम्फु’बाट डेब्यु गरेका नायक कबिर खड्का र बाल कलाकार आर्शिना भट्टराईले अभिनय तथा नृत्य गरेका छन् । आफुले मन पराएको यूवतीलाई साथीहरुको सहयोगमा फकाउँदै गरेको रोमान्टिक अवस्था भिडियोमा देख्न सकिन्छ । साथै गाउँघरमा आउँदै गरेको दशैँको माहोललाई रमाइलो ढंगबाट उतारिएको छ ।
भिडियो उत्सव दाहालको छायांकन, नविन निरौलाको सम्पादन तथा दिपेन गौतमको निर्माण व्यवस्थापनमा तयार गरिएको छ । सुबोल थापाको नृत्य निर्देशन गरेको म्युजिक भिडियोलाई जया शर्माको कन्सेप्टमा सुव्रतराज आचार्यले निर्देशन गरेका हुन् ।
भिडियो: