लामो समयदेखि शिक्षा क्षेत्रमा सक्रिय उजुकेसन एन्ड माइग्रेसन कर्नरले आफ्नो सहभागिता नेपाली चलचित्र र गीत-संगीत क्षेत्रमा पनि जनाउँदै लगेको छ । यसबीच, यो संस्थाको प्रस्तुति र सुनील उप्रेतीको निर्माणमा ‘कोलम्बसकी कान्छी’ बोलको गीतको भिडियो सार्वजनिक भएको छ ।
गीतलाई ओम सुनारले गाएका हुन् भने संगीत पनि उनकै छ । गीतको रचना तारा फुयाँलले गरेका हुन् । ‘नेपाली विद्यार्थीहरूलाई उच्च शिक्षा अध्ययनका लागि अष्ट्रेलियालगायतका मुलुकमा जान हामीले पुलको काम गर्दै आइरहेका छौं । अब नेपाली मनोरञ्जन क्षेत्रमा पनि जोडिने जमर्कोका साथ हामी लागि परेका हौं,’ सुनील उप्रेतीले भने ।
मौसम हिमालीको निर्देशन रहेको यो भिडियोमा चर्चित नृत्यांगना तथा अभिनेत्री अलिशा शर्मा र टिकटक सेलिब्रिटी डिमोन क्षेत्रीले अभिनय गरेका छन् । यो भिडियो नेप आर्ट डिजिटल यूट्युब च्यानलबाट सार्वजनिक गरिएको हो । भिडियोको सम्पादन र छायांकन दिपेन बस्न्यातले गरेका हुन् ।
भिडियो :-