गायिका दुर्गा खरेल र गायक प्रताप दासको आवाज रहेको ‘काले केटा २’ बोलको गीतलाई दर्शकहरुले निकै रुचाएका छन् । आइतवार यूट्युबमा सार्वजनिक भएको गीतलाई दुई दिनमा साढे ६ लाखभन्दा बढी पटक हेरिसकिएको छ । अहिले यो गीत यूट्युबको ट्रेन्डिङ नम्बर ५ मा छ ।
गीतमा धु्रवप्रसाद अमगाँइको शब्द तथा अर्जुन पोखरेलको संगीत रहेको छ । सार्वजनिक हुनुअघि नै चर्चामा रहेको यो गीतको भिडियोमा अभिनेता पल शाह, आकाश श्रेष्ठ र अभिनेत्री पूजा शर्माको अभिनय छ । उनीहरुले पहिलो पटक एकसाथ म्यूजिक भिडियोमा काम गरेका हुन् ।
डान्सिङ शैलीमा तयार पारिएको गीतको भिडियोको विधान कार्कीले निर्देशन गरेको छन् । उनी अहिलेका व्यस्त निर्देशक हुन् । उनले निर्देशन गरेका पछिल्ला सबै गीतले लोकप्रियता हासिल गरेका छन् । उत्सव दाहालको छायांकन रहेको गीतको सम्पादन विकास दाहालले गरेका छन् ।
भिडियो :-