चर्चित गायक राजेशपायल राईको स्वरमा रहेको ‘मुर्झिएका सपना’ बोलको गीतको भिडियो सार्वजनिक भएको छ । गीतको शब्द नेपाल कम्युनिष्ट पार्टी (नेकपा) का युवा नेता रमेश पौडेलले लेखेका हुन् । गीतमा शान्तिराम राईको संगीत छ ।
‘मुर्झिएका सपना’ गीतको भिडियोमा गीतकार रमेश पौडेल स्वंयको अभिनय छ भने दर्जन बढी कलाकारले अभिनय गरेका छन् । गीतमा प्रधानमन्त्री केपी शर्मा ओली नेतृत्वको सरकारले गरेका राष्ट्रवादी कामहरुको चर्चा गरिएको छ ।
विकेको निर्देशन रहेको भिडियोलाई रामकुमार केसीले खिचेका हुन् । विनोद बामले भिडियो सम्पादन गरेका हुन् । ओली नेतृत्वको सरकारले नक्शा संशोधनलगायतका महत्वपूर्ण निर्णय गरेर आम नेपालीलाई राष्ट्रवादी बन्न प्रेरणा दिएको कुरालाई गीतमा राखिएको छ । यूट्युबमा गीतलाई दर्शकबाट राम्रो प्रतिक्रिया मिलेको छ ।
भिडियो :-