संचारकर्मी राजमी ज्ञवालीको निर्देशनमा बनेको नेपाली लघु चलचित्र ‘डार्क मून’ सार्वजनिक भएको छ । इन्टरनेटमा सार्वजनिक चलचित्रले एउटी आमाले सन्तानप्रतिको दायित्व बिर्सदा सन्तानमा पर्ने असरलाई मूख्य रुपमा उठान गरिएको छ ।
यस चलचित्रमा चलचित्र सम्पादक समेत रहेका साहिल खान, डेन्टिष्ट समेत रहेकी सूर्या थापा तथा बाल कलाकार क्रिजन गौतमले शीर्ष भूमिका निभाएका छन् । साथमा तनुजा कार्की, निशाव लम्साल, यूमी बरालको अभिनय रहेको छ ।
‘डार्क मुन’को कथा प्रदीप भारद्वाजले लेखेका हुन् । भारद्वाज नेपाली चलचित्रका डिमाण्डेड लेखक हुन् । कृष्मा गौतम र सारा भूर्तेलले निर्माण गरेको यो चलचित्रलाई नवराज उप्रेतीले छायांकन गरेका हुन् । चलचित्रमा सुदीप बरालको डिओपी, एलिश कार्कीको ब्याकग्राउण्ड स्कोर, बिशाल निरौलाको गायन तथा संगीत र साहिल खानको सम्पादन छ ।
भिडियो: