अग्रज अभिनेता, निर्देशक तथा पुराना चलचित्र बासुदेव, कोसेली, मायाप्रिति, विजय पराजय आदिका नायक कृष्ण मल्लद्वारा निर्देशित सिरिज ‘श्रीमती जिन्दावाद’ यूट्यूब मार्फत प्रसारण हुन लागेको छ ।
१३ बर्षअघि नेपाल टेलिभिजनबाट प्रसारण भएको उक्त सिरिज ‘श्रीमती जिन्दावाद’ यूट्यूब मार्फत प्रसारण हुने भएको हो । त्यतिबेला दर्शकहरूमा राम्रो छाप छोडन सफल उक्त हास्य सिरिजमा निर्देशक मल्लका साथमा उनकी श्रीमति, अग्रज अभिनेत्री शर्मिला मल्लले पनि मुख्य भूमिका निर्वाह गरेकी छिन् ।
टेलिफिल्मलाई दर्शकहरूको चाहना बमोजिम यूट्यूब मार्फत प्रसारण गर्न लागिएको जानकारी निर्देशक एबं कलाकार कृष्ण मल्लले दिए । सिरियल ग्लोबल अरेन्ज नामक युट्युब च्यानलमा प्रशारण हुन लागेको छ ।
प्रत्येक शुक्रवार ५ वजे ‘श्रीमती जिन्दावाद’ यूट्यूबमा मार्फत प्रसारण हुनेछ । सिरिजमा रमेश बुढाथाेकी,सुभाष गजुरेल,नारायण त्रिपाठी,स्व.भिम बहादुर थापा,निला बस्नेत,रवि डङ्गाेल,उतम के सी, पल्लवी भट्ट लगायतका कलाकारहरुको पनि अभिनय हेर्न पाइने छ।