गायिका तथा मोडल ज्योति मगर र गायक नेत्र भण्डारीको स्वरमा रहेको नयाँ गीत सार्वजनिक भएको छ । करण न्यौपानेको शब्द तथा लय सृजनामा रहेको तीज ब्याटल ‘भेडा भर्सेस कोइली’ बोलको गीत सार्वजनिक भएको हो ।
विपिन आचार्यको संगीत संयोजन रहेको यस गीतमा ज्योति मगर, यशराज, नरेश, जेम्स, निरज, पुजन, रुविना लगायतको अभिनय रहेको छ । अशोक बिसीको निर्देशन तथा कोरियोग्राफी रहेको भिडियोलाई अजय रेग्मीले छायांकन गरेका हुन् भने सम्पादन रविन बिकेको रहेको छ ।
गीतकार तथा संगीतकार करण न्यौपानेका ‘उहि मुलाको सिन्की उहि मुलाको चान’, ‘झिम्काइदेउ परेली हाई मेरी तीते करेली’, ‘नाइँ बाबा नाइँ’, ‘किन तिमीले’, ‘मन्दिरमा बस्ने देउता’ लगायतका दर्जनौं गीतहरु सार्वजनिक छन् ।
भिडियो :-