देव तन्डुकारको स्वरमा रहेको नयाँ गीत भिडियो सार्वजनिक गरिएको छ । ‘हल्ला भो’ बोलको गीतमा शब्द तथा संगीत जितेन लेप्चाको रहेको छ । माया प्रेममा भएको एक जोडीको गाउँ घरमा हल्ला भएको कुरा भिडियोमा देखाउन खोजिएको छ । फणिन्द्र राईको संगीत संयोजन रहेको छ ।
रुशील अमात्यले निर्देशन गरेको भिडियोलाई बासु बरालले छायांकन गरेका हुन् । भिडियोलाई सम्पादन शिलन लम्सालले गरेका छन् । सार्वजनिक भिडियो हाइलाईट्स नेपालको अफिसियल च्यानल मार्फत सार्वजनिक गरिएको हो ।
भिडियोमा भिमसेन खतिवडा, लक्ष्मण चौलागाईं, मन महर्जन, गंगा चौहान, निशा श्रेष्ठ, सबिन जमकट्टेल, मनोहर बस्नेत र साल्भिक सुर्खेतीको अभिअन्य रहेको छ । देव तन्डुकारको यसअघि पनि थुप्रै गीत सार्वजनिक भइसकेका छन् ।
भिडियो :-