प्रकाश सपूतको ‘नमस्कार’ गीत सार्वजनिक (भिडियो)

गायक प्रकाश सपूतले ‘नमस्कार’ गीत सार्वजनिक गरेका छन् । बिहीबार सार्वजनिक भएको यो गीत युट्युबमा साढे २ लाखभन्दा बढीले हेरिसकेको छन् । ‘गलबन्दी’ जस्ता हिट गीत दिइसकेका उनले यो गीतमा कोरोनापछि मानिसले भोगिरहेको अवस्था र सबै मानिस बराबर हुन् भन्ने सन्देश दिन खोजेका छन् ।

‘नमस्कार’ गीतको शब्द उनी आफैंले लेखेका हुन् । संगीत पनि उनकै हो । सार्वजनिक गीतको भिडियोमा प्रकाशको साथमा विराज थापा, किरण मगरको अभिनय हेर्न सकिन्छ । देवेन्द्र बब्लुको निर्देशनमा तयार भएको भिडियोमा प्रविण भट्टको सम्पादन र अनिल के मानन्धरको छायाङ्कन छ ।

आफ्नै अफिसियल च्यानलबाट सार्वजनिक गीत दर्शक तथा स्रोताले रुचाउने प्रकाश सपूतको विश्वास छ । यसअघि ‘गलबन्दी’ जस्ता हिट गीत दिइसकेका सपुत यो गीतबाट पनि आशावादी छन् । सार्वजनिक भएको २४ घण्टा नवित्दै सपुतको यो गीत युट्युब ट्रेन्डिङमा प्रवेश गरेको छ ।

भिडियो :-