देवी घत्री र कस्तुप पन्तको स्वरमा रहेको तीज गीत ‘डाली लरक्कै’ बोलेको गीत सार्वजनिक भएको छ । नजिकिँदै गरेको हिन्दु नारीहरुको महान पर्व हरितालिका तीजलाई लक्षित गर्दै सार्वजनिक गरिएको गीतमा गायक पन्त स्वयंको शब्द तथा संगीत रहेको छ ।
‘भट्भटे माइलो’ उपनामले परिचित बेगम नेपाली, रुविना अधिकारी, मनोहर अधिकारी र अनिता गिरीको अभिनय रहेको गीतको भिडियोलाई मौसम हिमालीले निर्देशन गरेका हुन् । दीपक गिरीको छायांकन रहेको भिडियोको सम्पादन अमृत चापागाईंले गरेका हुन् ।
कस्तुप पन्त नेपाली गीत संगीतको क्षेत्रमा क्षेत्रमा बहुचर्चित नाम हो । पन्तका धेरै लोकदोहोरी तथा आधुनिक गीतहरु लोकप्रिय छन् । उनका ‘फोनमा मात्रै मिठो कुरा’, ‘जोवन फिरिको’, ‘सुपारी थमायौ’, ‘तिमीले छुरा रोपेको मुटु’ लगायतका गीत दर्शकको मनमा बसेका छन् ।
भिडियो :-